31 ka mga LGU`s sa rehiyon dose nagdeklarar sang suspension sang klase subong nga adlaw.

12

Nagalab-ot sa 31 ka mga local government units sa rehiyon dose ang nagdeklarar sang suspension sang klase sa tanan nga levels base sa datos sang Office of the Civil Defense ukon OCD 12 sa katuyuan nga magapatigayon ang mga ini sang inspection sa mga school buildings para naman sa kaluwasan sang mga estudyante tungod sa epekto sang 6.3 magnitude nga linog kagab-i.

Sa North Cotabato ang nagdeklarar sang suspension sang klase ang banwa sang Tulunan, Kabacan, Arakan, Magpet, M`lang , Pres. Roxas, Carmen, Makilala, Matalam, Kidapawan City kag Cotabato City, sa Sultan Kudarat Lambayong, Columbio, Tacurong City, Isulan kag Esperanza , sa Saranggani province Malungon, Kiamba, Maasim, Alabel, Malapatan, Glan kag Maitum, sa South Cotabato Tantangan, Tupi, T`boli, Banga, Norala, Tampakan, Lake Sebu, Koronadal City kag General Santos City.


Ang mga LGU sang Polomolok, Surallah kag Sto. Niño ang wala nagdeklarar sang suspension sang klase tungod gilayon man sila nga nakapatigayon sang Rapid Damagement Assessment and Needs Analysis sa mga school buildings sa lugar.
Sa inisyal nga datos sang OCD 12 syam ang nakaangkon sang minor injuries kag 31 suno pa nga mga building ang nakitaan sang danyos.

Samtang base sa record sang pamunuan sang South Cotabato Provincial Hospital nagalab-ot naman sa pito ang nakaangkon sang minor injuries kag 22 naman ang gindala sa balay bululngan nga nalipongan kag nagpin-ot ang pagginhawa tungod sa kakulba nga gilayon naman nga nadischarge.

Ginpahayag man ni Dr. Conrado Braña, Chief of Hospital nga pipila man ka mga pasyenti sang balay bululngan ang nagtaas ang BP kag nagbalik ang hapo.

Sa subong nagapadayon ang assessment sang pipila ka MDRRMO kag CDRRMO sa natuga nga danyos sang linog kagab-I sa probinsya.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers