Suspek nga Foreman sa paglugos og pagpatay sa Roxas, Z.N og kauban sa inom nga Laborer dili konektado sa “Petra Cement”

429

Progress Report: Gipaklaro sa rmn news team nga dili konektado sa “PETRA Cement” ang suspek nga maoy niluba patay sa duha ka biktimang kabanay og nilugos sa usa ka 18 anyos nga dalagita diin nahitabo ang krimen sa usa ka Barangay sa lungsod sa Roxas Zamboanga del Norte karong bag-ohay lang.

Sa report gikan sa kapolisan ang nadakpang suspek nga si Merlou Alforque, 33 anyos, residente sa Barangay Galas dakbayan sa Dipolog, usa ka foreman sa “Construction Firm” nagtrabaho sa dapit og dili konektado sa “PETRA Cement” sukwahi sa gipatuo og gipakatag sa mga individual diha social media nga gikutlo ang article sa rmn nga gatrabaho kini sa maong kompanya.


Base sa inisyal nga pag-imbistigar ni Police Corporal Paul Tindogan Roxas MPS, gibutyag sa anak sa Biktima nga “Donald Enderez” nga laborer kini sa “PETRA Cement”.

Apan sa follow-up report sa rmn news team diin nahinabi ang admin head nga si Ma’am Anna, gipaklaro nga dili usab nila trabahante sa “PETRA Cement” ang nasangpit.

Kahimduman ang suspek og anak sa biktima maoy “KAUBAN SA INOM” sa usa ka birthday celebration ayha paman giaghat ang hubog nga suspek nga adto pakatulogon sa balay sa biktimang si Veronica og Leonilo nga tulog na diin nahitabo ang krimen.

Facebook Comments

From Advertisers