TACLOBAN CITY – Bag-o nga mga patrol vehicles an ginturn-over han Police Regional Office 8 (PRO8) kanina ha magkadurudilain nga police stations and offices ha bug-os nga rehiyon.
31 nga new PNP patrol jeep, ordinance/Internal Security Operations ngan Law Enforcement Equipment an nablesingan durante han flag raising kanina.
Ha press conference, sumala kan PCSupt. Dionardo Carlos, PNP Regional Director, iginhatag ini nga mga patrol jeepneys tikang hs PNP Headquarters para mas mag-improve pa an pagpapatrolya han mga kapulisan.
“Also coming from camp crame itong ating mga arm nets, protective gear, bullet proof vest, compact helmet at iba pa. This is to improve our mobile forces.
Nagkakantidad hin P1,108,500.00 an kada single cab 4×2 (HILUX) vehicles. Medyo hirayo an kantidad han ginpalit han Aquino Administration nga mga Mahindra jeepneys nga nagkakantidad hin P1.8-million an kada usa, an pipira nga mga mahindra vehicles in nakatiwangwang ngan diri na nagagamit tungod nga naruba ngan waray pyesa nga napapalit dinhi ha Pilipinas.
Nakakarawat gihapon an Regional Mobile Force Battalion 8 ngan Provincial Mobile Forces hin ISO/ordinance ngan magkadurudilain nga law enforcement equipments nga nagkakantidad hin P36,140,664.
Nangangaro naman hin bulig an PRO8 ha mga Mayors para han maintenance han mga patrol vehicles.
May maabot pa nga 28 nga patrol jeepneys tikang ha Camp Crame.
Dako nga bulig an mga sarakyan para mas magin makusog ngan malaksi an operasyon han mga kapulisan ilabi na ha kampanya han PNP kontra kriminalidad ngan illegal nga droga.
(Photo by RPIO, PRO8)
