General Santos City—Nagtoo karon si Mr. Adrian Nicolas usa sa mga empleyado sa PhilHealth General Santos nga makatarunganon lang ang 6.9 bilyon pesos nga gahin isip cash gift ug 32.8 bilyon nga performance bonus sa tanang mga empleyado sa gobyerno sa tibuok nasud Pilipinas.
Matud ni Nicolas nga kung i-devide o bahinon ang maong kantidad sa tanang empleyado sa gobyerno nga mukabat sa 1.3 milyon kabuok mahulog ra nga gamay ang maong kantidad.
Dugang pamahayag niini nga kung tan-awon nagtrabaho man usab ang daghang mga empleyado sa gobyerno hinungdan nga angay lang usab silang makadawat ug mga pahalipay alang sa kasaulogan sa pasko sama ra usab sa mga pribadong empleyado nga nagpaabot sa ilang mga 13th month pay.
Pagpaklaro ni Nicolas nga kini nahisubay man usab sa balaud partikular sa labor code sa nasud Pilipinas. (Jordan Britos)
