32-anyos nga lalaki, arestado sa drug buy bust operation; kapin sa P150K balor sang iligal nga droga, nakuha sa suspek

245

Roxas City, Capiz – Dakop ang isa ka persona sa ginkasa nga buy bust operation sang mga katapo sang Station Drug Enforcement Team(SDET) sang Roxas City PNP pasado alas 3 sang hapon sa Olano Subdivision Brgy Banica Roxas City.
Ginkilala ang subject person kay Albert Joseph Torres y Embucado, 32-anyos kag temporaryo nga nag istar sa Newroad Brgy Banica, Roxas City.
Nabakal sa suspek ang isa ka sachet sang suspected shabu samtang Narekober sa iya posisyon ang 10 pa gid ka sachet sang ginapatihan ilegal nga druga.
Sa pagbanta sang kapulisan, kapin sa P156, 000 pesos ang balor sang narekober nga druga kay Torres. Nakuha man sa iya ang improvised tooter, isa ka libo ka pesos nga buy bust money kag isa ka unit sang caliber. 22 revolver lakip ang apat ka mga bala.
Nahibaluan nga una na nga nadakpan bangud sa ilegal nga druga ang amo nga persona.
Ini ang magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.

Facebook Comments

From Advertisers