General Santos City–Nagpatabang sa Police Station 4 ang usa ka 32 anyos nga si Alyas Mae dunay live-in ug nanimuyo sa Prk. Masagana, Barangay San Isidro ning syudad human nga nasakpan matud pa niini ang iyahang silingan nga si Ian Delos Reyes, 27 anyos usa ka sikad driver ug nanimuyo sa susamang lugar nga ginakuhaan siya ug video sulod sa CR samtang naligo.
Sumala pa sa biktima nga alas 11:40 matud pa sa buntag, naligo kini sa ilahang banyo apan namatikdan niini nga dunay cellphone nga nagsiwil nga nakatutok ngadto kaniya hinungdan nga iyahang gitan-aw ug didto nakita ang suspect nga gina-videohan siya.
Human sa maong panghitabo paspas nga misibat ang suspek sa sa wala matinong direksyon samtang ang biktima ang gilayong nagpatabang sa kapulisan. (Dave Silagan)
