32 KATAO NA-CONTACT TRACE SA GENSAN HUMAN MAGPOSITBO ANG ANAK SA NEGOSYANTENG MITAMBONG UG HAYA

General Santos City–Giklaro ni Dra. Lalaine Calonzo, labaw sa CESU-Gensan nga naka-confine na sa pribadong balay tambalanan ang anak sa negosyanteng si Evelyn Te human magpositibo sa covid-19 milabay’ng Agosto 5.

Nakapahigayon na matud pa sila ug contact tracing sa mga nakahimamat sa nahisgutang 34 anyos nga lalaki nga gikan sa kauluhang Maynila.

Aduna matud pay direktang contact kaniya ang iyahang pamilya nga maoy nisugat kaniya.


Sa inisyal nga impormasyon, duha ka mga anak sa nahigsutang negosytante ang mipauli aron sa pagtambong sa iyahang haya, kung asa ang usa ang nag-negatibo sa virus nga kasamtangang naka-home quarantine.
Dugang pamahayag ni Dra. Calonzo nga walay direktang Contact sa ubang tawo ang nahisgutang pasyente gawas nalang sa pamilya niini.

Sa karon aduna na matud pa silay na trace nga mukabat sa 32 katao ug tanang nag-negatibo sa gihimong rapid test apan kasamtangang naka-quarantine sulod sa 21 ka adlaw.

Samtang tanan matud pa nga nitambong sa haya sa nahisgutang negosyante ang ilaha ng gina-monitor ug gikonsiderang anaa sa 4th level.

Kalabot niini, giklaro ni Dra. Calonzo nga wala pay Datus nga magsulting adunay local transmission sa dakbayan sa Gensan ug padyaon ang ilahang ginahimo nga pag-monitor.

Wala matud pay angayang kabalak-an ang publiko gumikan tanang kaso sa covid sa Gensan ang gikan sa mga LSI ug ROF gawas nalang sa pinaka-unang kaso nga si PH 3669 nga gikan sa sabungan sa Davao.

Luyo matud pa sa kulang nga ihap sa cartridge para sa RT-PCR test, ilahang napangitaan ug pamagi pinaagi sa paggamit ug rapid test ug pagpahuman sa 21 kaadlaw nga quarantine.(LVR)

Facebook Comments