Davao City – Nisubida na karon ang linyada sa mga pre-festival events alang sa ika-32 anyos nga kasumaran sa tinuig ng thanksgiving celebration denhe ang mas naila nga ‘Kadayawan Sa Dabaw Festival.’
Karong adlawa, pormal na nga gipahigayun ang ‘Hiyas Sa Kadayawan 2017’ Media Presentation diin nasud-ong sa katawhan ang mga maanyag nga kandidata sa ethnic pageant gisalmotan sa mga babayeng representante sa tagsa-tagsa nila ka mga tribu kun ethnic groupings kansang gigikanan mao gayud ang yuta sa Davao Region ilabi na ang Davao.
Adunay 11 ka mga ethno-linguistic groups denhe sa syudad gilangkuban sa Ata, Iranun, Kagan, Klata-Guiangan, Maguindanaon, Maranao, Matigsalug, Ovu-Manuvu, Sama, Tagabawa ug Tausug.
Karong adlaw’ng Sabado Agosto 12 ug pagka-ugma, ipahigayun sa may Sta. Ana Wharf sa Magsaysay Park ang ‘Kadayawan Dragon Boat Festival’ diin salmotan kini sa mga entrante alang sa mga contingents sa Open Standard Boat division, Mixed Standard Boat ug Women Small Boat.
Ang festival pormal nga buksan karong Agosto 14 Lunes pinaagi sa ‘Pag-Abli Sa Kadayawan Festival’ pinaagi sa usa ka ecumenical thanksgiving service isip pahinungod sa grasya ug abudansyang nadawat sa mga taga-Davao inubanan sa music and dance showcase.
Ilusad usab ang ‘Kadayawan Village and Bantawan Cultural Show,’ ‘Hiyas Sa Kadayawan Talent Competition,’ ‘Habi Sa Kadayawan’ ug ‘Kaondayawan’ (Food and Music).
Karong Agosto 17, himoon ang ‘Subang Sinugdanan ug Panagtagbo’ (River Float Parade), sa Agosto 18 ang ‘Dula Kadayawan’ (Tribal Games), ‘Mugna Kadayawan’ (Doodle Comeptition) ug ‘Hiyas Sa Kadayawan,’ ‘Indak-indak Sa Kadalaanan,’ samtang karong Agosto 19 i-presentar ang ‘Sayaw Kadayawan’ ug ‘Tunog Kadayawan.’
Ang selebrasyon tapuson karong Agosto 20 pinaagi sa mabulokon kaayong ‘Pamulak Sa Kadayawan’ grand floral float parade inubanan sa ‘Pitik Kadayawan’ drumbeating competition.
Karong tuiga 2017, mobandilyo ang festival theme nga ‘Stand Tall, United, Resilient!’
Ang RMN DXDC Davao maoy Silver Sponsor uban sa City Government of Davao ug mga corporate partner-agencies.
Atangi ang kumpletong paghatud sa RMN DXDC 621 Davao sa mga highlights ug dagkung katikaran pinaagi sa ipahigayon nga ‘32nd KADAYAWAN SA DABAW FESTIVAL: THE RMN DAVAO SPECIAL COVERAGE’!
Kasamang June Duterte
