33-anyos nga taga-Ramon Magsaysay nadakpan sa buy bust operation sa lungsod sa Midsalip

19

Midsalip, Zamboanga del Sur – Kasong paglapas sa Akta Republika 9165 kun Comprehensive Dangerous Drugs Act of 2002 ang giatubang karon sa 33-anyos nga ulitawo nga taga-Ramaon Magsaysay niining probinsysa human nadakpan sa Drug (Buy Bust) operation Purok 4, Brgy. Poblacion B, Midsalip, Zamboanga del Sur alas 3:20 kagahapon sa hapon October 22, 2021.
Nag-ipon sa pwersa ang elemento sa Station Drug Enforcement Team sa Midsalip Municipal Police Station , Regional Drug Enforcement Unit -9, Regional Mobile Force Battalion-9, Philippine Drug Enforcement Agency (PDEA)-ZDS ug Ramon Magsaysay PNP dihang gikasa ang operasyon batok sa tigpayuhot sa illegal nga druga.
Malampuson nga nadakpan ang target nga si Angelo Torres Bolocon aka Boyong (High Value Individual- sa listahan sa PDEA, residente sa Purok 3, Barangay Switch, Ramon Magsaysay nining probinsya.
Nakumpiska gikan sa posisyon sa dinakpan ang duha ka dagkong pakite sa gituohang shabu nga motimbang sa 12.18 gramos nga gibana-banang mokantidad sa 82,824.
Wala makamatikod ang target nga pulis na diay ang iyang ka-transaksyon nga nagpakaarun-ingnon nga poseur buyer ug nadani sa kantidad sa kwarta apan usa ka lipo lang diay ang tinood nga salapi ug boodle money na ang uban.
Nakuha usab gikan kaniya ang (11) ihap sa alluminum foil ug uban pang personal niya ang gamit.
Ang dinakapan gipasklak na sa Midsalip MPS detention facility.

Facebook Comments