General Santos City–Giandam na karon sa Police Station 3 ang kasong pagsupak sa RA 9165, Sec.5 sa art II (Comprehensive Dangerous Drugs Act of 2002) batok sa usa ka Salvador Mendoza alyas Badong, 33 anyos, nga nanimuyo sa Purok 1, Barangay Buayan, Gensan human nga masikop kini sa gipahigayon nga buybust operation, alas 9:40 ang takna sa gabie.
Sumala pa ni Police Major Peter Pinalgan Jr. ang hepe sa Police Station 3 nga anaa matud pa sa watchlist sa ilang buhatan ang suspect isip pusher ug dugay na nila nga ginasundan hinungdan nga sa dihang nakakita ug higayon ila kining gipahigayonan ug operasyon.
Sa kasamtangan nagtingkagol na sa selda sa Police Station 3, ang nasangpit nga suspect ug gipaabot nalang nga mapasakaan kini ug kaso. (Dave Silagan)
