General Santos City–Dead on arrival sa balay tambalanan ang usa Ronald Tanghian, 33 anyos, nga nanimuyo sa Purok Guadalupe, Barangay Conel, Gensan human gitabangan ug tigbas sa duha ka mga suspect nga nailang silang Rommel Callao, 31 anyos, nga nanimuyo sa Barangay Conel ug usa ka Zaldy Baculi, legal age, ug nanimuyo sa sususamang barangay, alas 9:00 ang takna sa buntag sa Sitio Klaja, brgy. Conel.
Sumala pa ni PSI Davis Dulawan nga basi sa ilang nahimong imbistigasyon migula nga padulong matud pa sa bukid nga bahin ang nasangpit nga biktima sakay sa iyang motor dala ang 30 mil ka pesos aron usab nga ipasweldo sa mga tao sa dihang giharangan kinig kalit sa duha ka mga suspect.
Gilayon matud pa nga gipusil sa suspect nga si Zaldy ang biktima apan wala na antimano ang biktima ug nakasukol pa kini gamit ang iyang sundang apan gitabangan kini sa duha ka mga suspect ug gipuli-pulihan ug tigbas nga maoy hinungdan sa iyang kamatayon.
Human sa pagpanigbas gilayon nga misibat ang mga suspect gamit ang motor sa biktima dala ang 30mil ka pesos nga kwarta sa biktima.
Gilayon nga nagpahigayon ug hot pursuit operation ang kapulisan kung asa gikabutyag ni PSI Dulawan nga nasikop ang usa sa mga suspect nga si Rommel Callao sa Sitio , Morega, Bansalan Davao Del Sur samtang patay ang kaubanan niini nga si Zaldy Baculi human misukol sa kapulisan atol sa pag aresto kaniya. (Dave Silagan)
