33 dugang nga nagkalamatay bangud sang COVID-19 sa Negros Occidental

15

BACOLOD CITY – Nadugangan sang 33 ang kadamuon sang nagkalamatay bangud sang COVID-19 sa Negros Occidental.

Ini ang sandig sa November 9, 2021 cumulative report sang Provincial Incident Management Team (PIMT) apang wala ma-specify kun taga-diin nga banwa ukon ciudad ang mga ini.

Bangud sini, yara na sa 1,523 ang total COVID-related deaths sa probinsiya.


Sa pihak sini, mas madamo naman ang dugang nga recoveries nga yara sa 116.

Nagdangat na sa 34,089 ang total COVID-19 cases sa probinsiya kun sa diin 1,624 ang nagapabilin nga aktibo samtang 30,940 ang nag-ayo na.

Facebook Comments