Mipirma ug position-paper si Butuan City Mayor Ronnievic Lagnada aron hangyoon ang Regional Inter-Agency Task Force ug National IATF nga ipaubos sa General Community Quarantine (GCQ) o Modified Enhanced Community Quarantine ang 33 ka mga barangay nga sakop ning syudad sa Butuan. Gihimung basihan ni Mayor Lagnada mao ang padayong pagtaas sa kaso sa COVID 19 dinhi sa dakbayan sa Butuan tungod sa mga returning overseas Filipinos ug locally stranded individual. Ang 33 ka mga barangay mao ang Agao, Agusan Pequeño, Ambago, Baan Km3, Baan Riverside, Bading, Bayanihan, Buhangin, Dagohoy, Diego Silang, Doongan, Dumalagan, Fort Poyohon, Golden Ribbon, Holy Redeemer, Humabon, Imadejas, JP Rizal, Lapu-lapu, Leon Kilat, Libertad, Limaha, New Society Village, Obrero, Ong Yui, Rajah Soliman, San Ignacio, San Vicente, Sikatuna, Silongan, Tandang Sora, Urduja ug Villakanangga. Sa ulahing datus nga gipagawas sa DOH adunay 23 anyos nga babaye’ng health worker ning syudad ang nagpositibo sa COVID 19 human kini ma-exposed sa kompirmadong pasyenti niadtong Hunyo 3, 2020 hinoon asymptomatic ug gipaubos sa estriktong home quarantine. Laing nadugang nga kaso sa Butuan mao ang usa ka 37 anyos nga lalaki nga gikan sa Cagayan de Oro city ug nahidangat dinhi sa syudad niadtong Hunyo 1, 2020 sakay sa single motor, asymptomatic ug gipaubos sa estriktong home quarantine.
