33k Integrated Security & Safety Personnel magbantay sa month long 2023 Pasko Fiesta

Davao City- Nakaplastada na ang security template para sa tanang mga aktibidad sa Pasko Fiesta 2023 sa syudad sa Davao nga nagsugod kagabie Nobyembre 28 sa Dan-ag Davao ug Pag-abli sa Pasko hangtod sa Disyembre 31 Paghinugyaw —Sugat sa Bag-ong Tuig.

Sa interbyu sa DXDC RMN Davao kang Angel Sumagaysay, Public Safety and Security Office (PSSO) chief, 33,672 ka integrated security and safety personnel ang i-deploy sa syudad sa month-long nga mga aktibidad ug kalingawan para sa kapaskuhan.

Gimanduan niini ang Davao City Police Office ug Task Force Davao nga i-intensify ang visibility sa entero syudad.

Gihangyo usab ang publiko nga mutuman sa mga guidelines para sa safety ug security aron walay aberya sa ilahang pagsalmot sa mga aktibidad.

Bawal ang pagpanigarilyo ug pag-inom sa mga pampublikong lugar, pagkalat ug pagdala’g backpacks, dagkong mga bags, armas, sharp objects ug pag-bomb joke.

Gitinguha sa PSSO nga zero incident ang syudad sa selebrasyon sa Pasko ug Bag-ong Tuig.

RadyoMaN Aimee Guinita