General Santos City—nadala sa Dr. Jorge Royeca Hospital ang usa ka 34 anyos nga mag-uuma human nga natigbasan sa iyang silingan didto sa Camalian, Jose Abad Santos, Davao Occidental, niadtong nakalabyang gabie.
Biktima giilang si Ariel Danda, 34, residenti sa nasangpit nga lugar.suspek sa krimen mao si Amboy Cabanda, residenti gihapon sa maong lugar.
Subay sa pahayag sa igsuon sa biktima nga si Ruel Danda, kalit lang misulong ang suspek ngadto sa ilang panimalay, alas 9:00 ang takna sa gabie.
Siya maoy unang gitigbas sa nahisgutan apan wala siya maigo, didto na gitigbas sa suspek ang iyang igsuon igo sa walang bahin sa iyang lawas ug sa siko nga bahin.
Paspas nga misibat ang suspek, samtang ang biktima gidala sa iyang mga kabanay sa Glan Municipal Police Station pan human sa pipila ka oras, gibalhin kini sa Dr. Jorge Royeca Hospital dinhi sa Gensan. Sa karon padayon ang gihimong imbisigasyon sa kapulisan kalabutan sa insidenti.
