345 MASS-BASED SUPPORTERS NANUMPA NGA MOSUPORTA SA GOBYERNO
Nanumpa nga mosuporta og mahimong matinud-anon sa gobyerno ang mokabat sa 345 ka mga mass-based supporters ug 18 ka miyembro sa Militia ng Bayan.
Nahitabo ang pagpanumpa sa Barangay Ibuan, Las Nieves, Agusan del Norte.
Sa taho sa PRO-13 Caraga ug 23rd IB Phil. Army ang mga nagsurender ang mga suporter ug membro kini sa Guerilla Front 4A, North Central Mindanao Regional Committee.
Matud pa nga ang maong ihap sa mga mass-based supporters ang naglihok sa nagkadaiyang underground mass organizations sa NPA dinhi sa Caraga Region.
Diin usa sa mga MB Member nga nagsurender nga si Alias Boy nagkanayon “Ako, isip usa ka mag uuma, nadani gyod ko sa CPP-NPA tungod kay ang ako balay naa sa kabukiran. Lisod kaayo ang ako kahimutang hilabi na kung muabot ang mga NPA, kay ang akong mga tanum nga gulay, mga binuhi nga mga manok ang mga NPA ang maka pahimulos. Ang akong mga anak wala na sila’y makaon kay gihurot na sa NPA.”
