Lemery, Iloilo- Patay ang mag-amay sa banwa sang Lemery ,Iloilo matapos ginluthang sang wala pa makilal-an nga suspek kaina sang aga, Oktubre 8.
Ginkilala ang mga biktima nga sanday Dexter Peñalosa alyas Boyet, 35 anyos, isa ka barbero kag ang anak nga si Kian, tatlo ka tuig.”
Suno kay PInsp Ariel Buenavista sang Lemery MPS, padulong na sa banwa agud mag-obra si alyas Boyet samtang naga-angkas sa iya motorsiklo ang anak.
Ginlambatan snag ginapahayag lima ka mga suspek ang mag-amay sa Barangay Cabantohan, Lemery kag ginluthang.
Base sa inisyal nga impormasyon, may igo sang bala sa dughan ang amay samtang may igo man sa ulo ang anak.
Ginpahayag ni Buenavista nga posible M16 armalite rifle ang gingamit sang mga suspek .
Gindala pa sa hospital ang mag-amay apang gindeklara nga dead on arrival.
Indi pa matul-id kon ano ang motibo sang pagpangluthang.
Nahibaluan nga yara sa abroad ang asawa ni Boyet.
(photo from web/ not the actual photo)
