Patay na nga naabtan sa mga kapulisan ang usa ka 35-anyos nga lalaki sulod sa iyang boarding house didto sa Purok-1, Barangay 9, Malaybalay City, Bukidnon.
Giila ang maong lalaki nga si Julius Arendain Tenajeros, 35 anyos, minyo, ug residente sa Barangay Busdi, Malaybalay City.
Sumala sa report, pasado alas 3 kaganiha sa kadlawon, pugsanon matud pang gisulod ang kwarto sa biktima sa wala mailang lalaki, hinungdan nga nagpakitabang ang biktima sa mga boardmates niini ug didto na nahitabo ang komosyon.
Nakaangkon og mga samad-dinunggaban sa nagkadaiyang parti sa kalawasan ang biktima hinungdan sa kamatayon niini samtang misibat usab sa wala matino nga direksyon ang suspek bitbit ang cellphone sa biktima.
Gipahiluna na sa punerarya ang patay’ng lawas sa lalaki samtang padayon karon ang makuting imbestigasyon sa kapulisan pagsuta sa motibo sa krimen ug paglakag sa suspek nga nakaikyas.
Facebook Comments
