General Santos City—Sikop sa operatiba sa Police Station 4, inabagan sa City Mobile Force ug PDEA-12 ang usa ka 35 anyos nga mag-uuma atol sa gihimong buybust operation sa may purok 17, Barangay Mabuhay, Gensan.
Giila ang suspek nga si Alfonso Malayon, residenti sa Barangay Danlag, Tampakan, South Cotabato.
Sa report nga gipagula sa Police Station 4 nasuta nga alas 4:00 ang takna sa hapon, kagahapong adlawa dihang ilang gihimo ang buybust operation nga misangko sa pagkasikop sa suspek human kining napalitan ug gituohang marijuana gamit ang P1,000.00 nga marked money.
Gawas sa usa ka pakete nga masijuana nga napalit sa nagpakarong-ingnong pulis nakuhaan pa kini ug laing tulo pa ka putos sa gituohang dahon sa marijuana.
Sa karon balhog na ang suspek sa silda sa Police Station 4 samtang ginaandam na ang kasong kalapasan sa RA 9165 batok kaniya nga posibling ipasang-at karong adlawa.
