General Santos City—Nagpadayon pa sa kasamtangan ang gihimong imbistigasyon sa Bureau Of Fire Protection-Gensan sa nahitabong sunog sa panimalay ug Guest House nga gipanag-iyahan ni Nemecia Gabica, legal age, residente sa Foremost Vill., Barangay Apopong, Gensan nga natigayon niadtong Sabado sa gabie.
Sumala ni SFO1 Arthuro Peligro, Arson Investigator sa BFP Gensan nga basi sa ilang inisyal nga imbistigasyon nagsugod matud pa ang sunog sa usa ka lawak sa balay ni Gabica.
Paspas mikatap ang kalayo nga hinungdan sa pagkaugdaw niini. nasayran nga paspas nakarespondi ang fire truck sa BFP apan dako na kaayo ang kalayo dihang sila miabot sa lugar.
Dugang pagbutyag ni SFO1 Peligro nga wala si Gabica dihang nahitabo ang sunod, tua matud pa kini sa lungsod sa Glan ug bugtong tawo lang sa balay niini mao ang iyang care taker. Nasayran nga mukabat sa 200 thousand pesos ang damyos sa maong sunog.
