Patay ang isa ka persona, matapos nga nalumos sa swimming pool sa Brgy. Cabuling, Banga, South Cotabato, alas 11:00 sang gab-i sang Enero 26, 2021.
Nahibaluan nga ginreport alas 3:00 sang kaagahon, kahapon nga adlaw, Enero 27 ang nasambit nga insidente sa Banga MPS sang utod sini.
Sa imbestigasyon sang Banga MPS, ginkilala ang biktima kay Ever Sajo Dalen, 35-anyos, single, driver kag residente sang Brgy. Tereseta, Sto Niño, South Cotabato.
Suno pa ang biktima ang nagtambong sa birthday party sang ila nga manager upod ang mga co-workers kag nag-inom-inom kag naghambal ini sa iya kaupod sa trabaho nga maligo sa swimming pool, apang makaligad ang isa ka oras, ginpangita ini sang iya mga kaupdanan sa trabaho kag nasapwan ini nga nalumos sa swimming pool.
Gilayon naman nga gindala sa ospital sa Surallah ang biktima para sa medikasyon, apang sang ulihi gindeklarar nga patay sang attending physician.
