Patay ang isa ka persona, matapos nga tiruhon sang riding in tandem suspects sa Prk Poticar. Brgy. General Paulino Santos, Koronadal City, alas 5:45 sang hapon, kahapon nga adlaw, Hulyo 14, 2021.
Ginkilala ang biktima kay Ryan Egoy, 35-anyos, residente sang Prk. New Society, Brgy. Esperanza, Koronadal City.
Base sa imbestigasyon sang Koronadal CPS, samtang nagapanglakaton ang biktima sa nasambit nga lugar sang gintiro sang duha ka mga suspek nga gilayon man nga nagpalagyo, matapos mahimo ang kremin.
Nakaangkon sang igo sang bala sa mga nagkalain-lain nga parte sang iya nga lawas ang biktima nga nangin tunaan sang iya hinali nga kamatayon
Narekober naman sa crime scene ang pito ka empty shells.
Sa subong nagapadayon ang imbestigasyon sang kapolisan sa panibag-o nga insidente sang pagpangluthang sa syudad.
