Nagalab-ot sa 35 ka mga barangay opisyal sa probinsya sang South Cotabato ang ginapatambong sa patigayunon nga Regional Dengue Preparedness and Outbreak Response Forum sang Department of Health dire sa syudad sang Koronadal sa Agusto 7 subong nga tuig.
Suno kay Provincial Health Office Mosquito Borne Disease Coordinator Jose Barroquillo ang nasambit nga mga barangay ang naidentify nga may outbreak ukon hotspot sa balatian nga dengue nga ginalakipan sang Brgy. GPS, Zone 1, 2, 3, 4 kag Topland sang Koronadal City, San Vicenti, Lampari kag Malaya sang banwa sang Banga, Brgy. Poblacion kag Tasiman sang Lake Sebu, Poblacion kag Lapuz sang Norala, Poblacion, M. Roxas kag San Isidro sang Sto. Niño , Libertad, Buenavista kag Centrala sang Surallah, Poblacion, Lampitak kag Kipalbig sang Tampakan, Brgy. Cannery Site, Poblacion kag Silway 8 sang Polomolok, Poblacion, Cebuano kag Bunao sang Tupi, Poblacion, Dumadalig kag San Felipe sang Tantangan, Brgy. Eduards, Lacunon kag Kematu naman sa banwa sang T`boli.
Ginpahayag ni Barroquillo nga ang opisyal sang nasambit nga mga barangay ang pagatudluan kon ano ang dapat himuon nga preparasyon kag sa tion nga may outbreak sang balatian nga dengue.
Ang nasambit suno pa nga tikang sang Department of Health ang sabat tungod sa padayon nga pagsaka sang kaso sang balatian nga dengue sa rehiyon.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
