35 ka mga TechVoc schools sa region 12 magabukas na.

23

Handa na nga magbaton sang mga estudyante nga gusto magkuha sang Technical Vocational program sang Technical Education and Skills Development Authority ang mga eskwelahan sa rehiyon.
Yara sa masobra 79 ka mga programa sang TESDA nga nakasentro sa konstruksyon, agrikultura, cookery, driving, dressmaking kag iban pa nga skills training ang buksan.
Sa pihak sang COVID-19 pandemic ginsiguro sang TESDA nga luwas kag magasunod sa health protocol ang mga eskwelahan nga magbukas sang nasambit nga mga programa.
Kapareho na lamang suno pa sa pagbutang sang handwashing area, social distancing, pagmonitor sang mga temperature sang mga magsulod, pagsuksok sang face mask kag face shield, paglimita sang mga magsulod sa eskwelahan kag paggamit sang mga online platform para sa klase sang mga benepisyaryo sang programa.
Matandaan nga una na nga ginpromisa ni TESDA 12 Regional Director Rafael Y. Abrogar II nga magasunod sa tanan nga requisitos ang TESDA para mabuksan ang mga programa kag makabulig sa pagbangon sang mga naapektuhan sang pandemya.
Para sa mga gusto suno pa magkuha sang programa sang TESDA magpadulong lamang sa TESDA provincial office nga malapit sa lugar.
Samtang lakip sa mga magbukas sang mga programa ang mga eskwelahan nga yara sa idalom sang TESDA Dose lakip na dire ang mga TESDA Provincial Training Center sa rehiyon.
Pahanumdom naman sa publiko nga magsuksok sang facemask kag faceshield, magdala sang kaugalingon nga ballpen, yara sa normal ang temperature, i-obserbar ang social distancing kag kon naghalin sa mga lugar nga may kaso sang COVID-19 mas maayo suno pa nga magpaidalom sa quarantine kag isolation bag-o magpadulong sa mga opisina sang TESDA.

Facebook Comments