General Santos City—Gibanabanaang mukabat ngadto sa 350,000 pesos ang danyos sa nahitabong sunog sa bunkhouse sa Police Station 1, alas 8:00 pasado ang takna sa buntag sa Police Station 1 compound kung asa mukabat ngadto sa 7 ka mga kwarto ang natalang na-ugdaw.
Sumala pa ni SFO3 Allan Rey Emperio ang Chief Investigator sa BFP Gensan nga sa inisyal nila nga imbestigasyon nagsugod ang kalayo sa kwarto sa usa ka Police Corporal Anthony Dion Manua ug paspas nga gilamoy ang tapad nga mga kwarto.
Swerte matud pang walay na samdan sa maong panghitabo tungod kay gilayong nakita sa mga personahe sa BFP Gensan ang baga nga kalayo gikan sa maong kwarto hinungdan nga gilayong narespondehan ug wala na mikatag pa.
Aduna matud pay posibilidad nga electrical short circuit ang hinungdan nganong misilaob ang maong kalayo kung asa posible matud pa nga tungod kini sa ilahang mga appliances nga nabilin sa maong lugar.(Dave Silagan)
