Labangan, Zamboanga del Sur -Kasong murder ang gi-atubang karon sa 20 anyos nga ulitawo nga maoy responsible sa pagpatay sa iyang silingan nga babaye pinaagi sa pagduk-dok sa ulo gamit ang martilyo.
Gikustodiya karun sa kapulisan sa Labangan ang suspek nga nailang si Jomar Braga, residente sa Purok Uno, Barangay Bokong, Labangan, Zamboanga Del Sur.
Sa imbestigasyon ang suspek niangkon nga maoy nipatay sa biktima nga si Sharon Corpuz, 36 anyos lumulupyo sa nasangpit nga dapit.
Sa dugang pagsuta nasayran sa kapulisan naglaraw ang suspek nga iyang luguson ang ang biktima nga nag-inusara sa iyang pinuy-anan apan nisukol kini nga misangko sa patay sa biktima pinaagi sa pagbunal gamit ang martilyo.
Sa eklusibo nga interview sa RMN Pagadian sa Barangay Tanod sa Bokong Labangan, nitahan ang suspek human kining gihasol sa iyang konsensya.
