36-anyos ngababaye, nagapangatubang it kaso matapos hambaean it mga maeain nga tinaga rongpulis

91

Malay, Aklan – Nagapangatubang makaron it kaso nga Oral Defamation/Resistance and Disobedience upon Agent of Authority rong sangka 36-anyos nga babaye hambaean it mga maeain nga tinaga rong duty nga Desk Officer it Malay Municipal Police Station.
Rong suspek nakilaea kay Rina Palmer, native it San Jose, Camarines Sur ag presente nga naga istar sa Barangay Balabag, Boracay Island.
Sa imbestigasyon naga guwa nga kaina it mga 12:30 rong aga-aga hay nag adto sa Malay MPS rong suspek para nga i-report rong insidente sa D’Mall de Boracay.
Maangan-angan hay nagtaas rong boses it suspek ag ginturo-turo si PCpl. Jayson Amar ag ginhambaean nga “Mga wala kwenta mga pulis dito, mga fuck you”.
Insigida nga ginpakalma ni PCpl. Amar rong babaye pero uwa raya nagpamati ag gin videohan pa ro nasambit nga pulis.
Si Palmer hay gindaea eon iya sa Kalibo para nga iinquest sa kasong igapasaka kana.

Facebook Comments

From Advertisers