Gindeklarar nga dead on arrival sa ospital ang isa ka persona matapos nga tiruhon sa Purok Mangga, Brgy. Tubi-ala, Surallah, South Cotabato pasado alas 7:00 sang gab-i sang Enero 29, 2022. Sa imbestigasyon sang Surallah MPS, ginkilala ang biktima kay Armil Cabiloque Cañal, 36 years old, residente sang nasambit nga lugar. Suno pa gintiro sang wala nakilal-an nga suspek ang biktima gamit ang ginapatihan calibre .45 pistol. Resulta nakaangkon sang igo sang bala ang biktima sa iya nga dughan, tyan kag kamot nga nangin tunaan sang iya hinali nga kamatayon. Narekober sa crime scene ang 6 ka fired/empty cartridges sang calibre .45 pistol kag isa ka slug. Personal grudge naman ang ginalantaw nga motibo kag sa subong padayon ang imbestigasyon sang Surallah MPS sa responsable sa nasambit nga krimen.
Facebook Comments
