Davao City – Miabot na 36 ka mga COVID-19 related nga mga pasyente ang na-cremate na sa lokal nga panggamhanan sa Davao ug kining tanang namatay pulos admitted sa SPMC sumala ni Davao City Mayor Inday Sara Duterte Carpio.
“Nganong 36 pagkahuman pipila ra ang namatay… it’s because we accept tanan nga cadavers na suspected by doctors to be COVID-19. Tanan to sila gina-process nato kay tungod siguro wala silay result or wala sila ma-test ginaapil nato sa atong processes. Kay niingon man ang doktor nga they should be cremated so we rely on the guidance sa mga doctor,” segun ni Duterte-Carpio.
Matud niini adunay 15 ka mga pending mga patayng lawas ang kinahanglang ipa-cremate ug lima usab ang bag-ong nadugang nga girekomindang ipa-cremate.
Sa pikas bahin, mokabat na sa 118 ang admitted COVID-19 sa syudad, 85 anaa sa SPMC, 17 sa Center A, 2 sa Center B, ug 12 sa Center C. 108 na ang COVID-19 positive cases, 57 ang nakarekober ug 19 ang death cases as of April 27, 2020 sa Davao.
RadyoMaN Aimee Guinita
