General Santos City—Sikop sa operatiba sa Police Station 2 ang usa ka 37 anyos nga nailang si Joel Mansig, residenti sa 39.2 FVR Vill., Barangay Fatima, Gensan atol sa gipahigayong buy-bust operation nga gilusad sa may National Highway, sa may entrada nga bahin padulong sa Lanton, Barangay Apopong ning syudad alas 5:46 ang takna sa hapon.
Sa record sa Police station 2 nasuta nga nasikop ang suspek human nga napalitan ug tulo ka sachet sa gituohang shabu gamit ang P2, 500.00 nga marked money.
Dihang gihimo ang transaksyon, misuway pa ug sibat ang suspek human nasayran nga mga police ang iyang katransaksyon apan nakorner gihapon kini ug malampusong nadakpan.
Sa karon ang suspek balhog na sa silda sa Police Station 2 ug takna na kini ug kasong kalapasan sa RA 9165.
