Roxas City, Capiz- Arestado ang isa ka mister sa ginkasa nga drug buy bust operation sa circumferential road nga sakop sang Brgy Libas, Roxas City
Ginkilala ang subject person kay Michelle Chiyuto y Bayot, 37-anyos ang pang-edaron sang Homesite Brgy Lawaan sining syudad.
Narekober sa iya ang kabug-osan nga 19 ka sachet sang suspected shabu sa diin isa diri ang naputos bilang “bulto”.
Nakuha man sa iya posesyon ang ginapanag-iyahan sini nga cellphone.
Apisar nga aminado ini nga naga gamit sang druga, hugot naman nga ginpanginwala sang suspek nga iya ang amo nga mga narekober nga items kag ginsiling nga “planted”ang mga ebidensya.
Natalana nga pasakaan sang kaso nga paglapas sa Republic Act 9165 ukon mas kilala nga Comprehensive Dangerous Drugs Act of 2002 ang nasambitan nga persona.
