37 anyos nga persona, nakuhaan sang P30,000 nga balor sang iligal nga droga sa syudad sang Roxas

19

Roxas City, Capiz- Magapangatubang sang kaso nga pagbayolar sa RA 9165 ukon Comprehensive Dangerous Drugs Act of 2002 ang isa ka persona nga nadakpan sa isa ka buy bust operation sang Roxas City PNP sa Phil.Railway St., Barangay 9, Roxas City sang nagligad nga adlaw sang Byernes.
Naglab-ot sa lima ka mga sachet sang suspected shabu ang narekober sang mga operatiba nagikan sa subject person nga si Ramon Andion y Gevero, 37-anyos sang nasambit nga lugar.
Ginabulubanta nga kapin sa pito ka gramos ang nakuha nga iligal nga droga nga may market value nga nagalab-ot sa P30,000.
Kalakip man sa mga recoveries, ang isa ka libo ka pesos nga buy bust money, mga drug paraphernalia, cellphone, kag cash nga balor 700 pesos.

Facebook Comments