Trisikad driver nadunggaban sa kauban

27

Davao City- Usa ka trisikad driver ang napalgang walay malay sa iyang gimanehong triskad diha sa Kasilak Bucana alas -2:30 sa kadlawon samtang nag taop pa ang usa ka kutsilyo sa iyang kilid nga bahin sa iyang lawas.

Biktima naila nga si Jake Laurence Chee tac al alyas Ongbak, 20 anyos nga taga-San Roza St. Sta Ana ning syudad sa Davao.

Sumala pa sa investigating officer nga si PO3 Edilberto Allawan Jr., matod sa mga nakakita, giduol ang biktima sa usa ka suspetsado nga si Onyot Camacho, 30 anyos nga usa usab ka trisikad driver.

Nasayran nga dunay personal nga bangi ang duruha ug maoy usa sa mga hinungdan ngano nga nadunggaban ang biktima.

Nagtaop pa ang kutsilyo sa kilid ni alyas Ongbak samtang gitabang kini sa mga personahe sa Central 911 ug gidala sa Southern Philippines Medical Center.

Samtang ang suspetsado padayun ng ginapangita sa kapolisan aron patubagon sa iyang krimen nga hinimoan.

Kasamang Paul Canono

Facebook Comments