General Santos City—Sikop sa operatiba sa Alabel Municipal Police Station ang usa ka Erwin Piscadero, 37, residenti sa Purok Paglas, Barangay Bagakay, Alabel, Sarangani province kansa suspek sa pagpanunggab sa biktimang si Elmo Arestado, legal age, residenti sa Purok Lower bagakay, sa nasangpit nga Barangay.
Nasayran nga alas 6:11 ang takna sa gabie sa nakalabayng adlaw, nagbingkil matud pa ang biktima ug ang suspek nga misangko sa pagpanunggab.
Nakaangkon ang biktima ug tulo ka mga samad sa nagkandaiyang parti sa lawas kansa gidala dayon sa ospital human sa insidenti.
Malampuson usab nga nasikop ang kapulisan atol sa ilang gihimong hot pursuit operation.
Sa karon ang suspek gikasuhan na sa kapulisan samtang ang biktima nagpaalim nalang sa iyang mga samad nga naangkon.
