Davao City – Mag-atubang og kaso kalabot sa Philippine Fisheries Code of 1998 o Republic Act 8550 as amended by RA 10654 ang 37 ka mga crew members nga nadakpan tungod sa iligal nga pagpanagat sa Barangay Colon, San Isidro, Davao Oriental niadtong October 7, 2024.
Sa report sa Naval Forces Eastern Mindanao (NFEM), sa gihimong operasyon sa NFEM pinagi sa Naval Task Force 71 uban ang Bureau of Fisheries and Aquatic Resources (BFAR) 11, na-apprehend atol sa operasyon ang tulo ka commercial fishing vessels sakay ang maong dul-an 40 ka indibidwal. Nasayrang ang maong mga panakayan iya nila Rodrigo Quingco ug Julieta Ngap.
Pipila ka violations nga nakita mao ang pagpangisda nga walay lisensya, paghimo og commercial fishing sulod sa municipal waters, paggamit og fine mesh nets, active gear, unlicensed crew, ug unlicensed fishing gear.
Nakumpiska atol sa operasyon ang tulo ka fishing vessels ug uban pang fishing paraphernalia nga muabot sa kantidad nga 8 million pesos.
RadyoMaN Kirby Manzon
Facebook Comments
