General Santos City–Samdan ang usa ka 38 anyos nga lalaki human gidunggab sa iyang karibal samtang kini natulog sulod mismo sa iyang panimalay sa may Santiago Subdivision, Barangay Bula Gensan alas 10:00 ang takna sa gabie kagahapong adlawa.
Ang biktima nailhang si Ebrahim Sapal, 38 anyos , residenti sa maong lugar. Samtang suspek giilang si Anacito Quidak Jr., 36, Laborer, residenti sa Purok Pearly Shell, Barangay South.
Nasayran nga nagbingkil ang biktima ug ang suspetsadong karibal niini gumikan sa selos sa usa ka babaye. Nasayran nga uyab sa biktima ang kasamtangang asawa karon sa suspek kansa maoy hinungdan matud pa sa away sa duruha.
Samtang natulog ang biktima didto na niini gidunggab ang nahisgutan igo sa walang bahin sa iyang tiyan. Hinuon dili man ingon ka grabe ang samad nga naangkon sa biktima kansa nakagawas gilayon sa ospital human nga natambalan ang iyang samad.
Malampuson usab nga nasikop ang suspek ug balhog na karon sa silda sa Bula Police Station. Kasong Frustrated Murder ang gikatakdang ipasang-at batok sa suspek.
