General Santos City—samad sa tiyan ang naangkon sa usa ka 38 anyos, human kining gidunggab sa iyang kainum alas 8:00 ang takna sa gabie, Martes, August 22, 2017 sa may Barangay Maligo, Polomolok, South Cotabato.
Ang biktima nailhang si Amor Manguhig, 38, residenti sa samang Barangay. Sa inisyal nga imbistigasyon sa Polomolok Municipal Police Station nasuta nga nag-inum ang biktima uban sa iyang mga barkada sa maong lugar.
Dihang nangahubog na, didto na naglalis ang biktima ug wala nganling suspek nga miresulta sa pagpanunggab gamit ang kutsilyo.
Paspas nga misibat ang suspek sa wala sayring lugar samtang ang biktima, daling gidala sa Dr. Jorge Royeca Hospital ug kasamtangan karon nga gipailawom sa Medikasyon.
Sa karon padayon pa ang gihimong imbistigasyon sa Polomolok PNP bahin sa insidenti ug padayon pang ginasuta kung unsa gyud ang gilalisan sa mga nahisgutan nga misangko gyud sa pagpanunggab.
