South Cotabato- Gidagit ug gilugos ang usa ka 38-anyos nga babaye nga adunay kapansanan ug deperensya sa pangisip sa lungsod sa Tantangan, South Cotabato niadtong nakalabayng adlaw.
Itago lang sa pangalan ang biktima nga si Alias Cynthia, residenti sa maong lungsod.
Subay sa inisyal nga imbistigasyon sa kapulisan nasuta nga alas 2 sa kabuntagon dihang nakurat nalang ang pamilya sa biktima nga wala na ang nasampit sa iyang higdaanan. Tungod dili ka lakaw ug dili sab makaestorya ang biktima nagduda ang mga kabanay niini nga gidagit ang nasampit.
Gilayong nangayo ug tabang sa kapulisan ang pamilya sa biktima aron makit-an kini. Alas 9:00 na sa buntag dihang nakaplagan ang biktima sa sagbutan nga bahin likod sa Tantangan National High School.
Wala nay sul-ob nga underwear ang biktima ug sumala pa adunay lama sa dugo ang pribadong parte sa lawas niini.
Malampuson usab nga na-identify ang suspek nga gikaingong silingan ra sa biktima. sa karon padayon pang gipangita sa kapulisan ang suspetsado kansa nakasibat human sa gihimong krimen.
