38 anyos nga motorista patay human mibangga sa trailer truck

General Santos City–Dead on arrival sa balay tambalanan ang usa ka arman Garcia 38 anyos, nga nanimuyo sa Mc Village Barangay Fatima ning syudad human nga mibangga ang gimanihuan niining motorsiklo sa usa ka trailer truck nga walay tractor head nga gibutang sa kilid sa dalan sa espina farm nga pasulod sa Dona Soledad, Barangay Labangal.

Sumala pa ni Police Corporal Zaldy Bacud ang imbistigador sa maong kaso nga na banga matud pa ang nahisgutang biktima sa maong trailer ug naigo ang nawong niini sa bakal samtang napasok ilawom sa truck ang iyahang motorsiklo.

Sa imbestigasyon sa kapulisan, posible matud pang kusog ang dagan sa biktima nga si Garcia sa lubakon nga kalsada ug tungod kay ngit-ngit sa lugar wala niini nakita ang maong trailer hinungdan nga nabangaan.


Aduna usay posiblilidad nga nagdali ang nahisgutan nga biktima ug uli sa ilang balay aron nga dili maabtan ug curfew apan na disgrasya hinuon kini.

Sa karon ginasuta pa sa Traffic Management Unit kung kinsa ang nanag-iya sa maong trailer truck ug mga karga niini aron nga makahisgot sila sa mga kabanay sa biktima kabahin na kung unsa man ang ilang tulubagon.(Dave Silagan)

Facebook Comments