General Santos City–Putol ang usa ka tiil sa usa ka welder nga gi-ilang usa ka Benhur Contreras, 47 anyos nanimuyo sa Capareda Street Barangay Lagao samtang angol ang kaubanab niini nga giilang si alyas tata, hamtong ang panuigon nga nanimuyo sa South Cotabato Province human nga mibusikad ang tangke sa Freon nga gisuwayan nila ug gabas gamit ang sander alas 3:00 pasado ang takna sa hapon gawas lang sa ilahang panimalay.
Sumala pa sa usa ka Fidel Contreras, 50 anyos, igsuon sa biktima , aduna matud pay usa ka tigulang ang niduol sa iyahang manghud ug mikanayon nga buot niini pa abrihan ang nasampit nga tangke aron buhaton ug kalan.
Dugang pa niini nga gisita pa niya ang iyang igsuon nga basi mobuto ang maong tangke apan mikanayon ang tigulang nga nagdala niini nga dili kini mobuto tungod wala na kini unod.
Gisugdan matud pa sa pag-abli sa kauban sa iyahang manghod nga si alyas tata ang maong tangke gamit ang sander apan pipila ka gutlo mibusikad ang tangke diin milupad matud pa ang parti niini sa tiil sa iyang manghod nga anaa lang nagtindog atubangan ni Alias Tata.
Gilayon nilang gidala sa ospital ang mga biktima ug kasamtangan na karon nga giatiman sa iyang attending physician. Samtang gikabutyag ni Fidel nga wala na niya nakita ang tigulang nga nagdala sa maong tangke.(Dave Sila gan)
