Naglab-ot sa 38 ka mga ginikanan ukon guardian sang mga child laborers sa Brgy. Bukay Pait Tantangan, South Cotabato ang nakabepisyo sang livelihood stater kits halin sa Department of Labor and Employment sa ginpatigayon nga turn-over sang Hulyo 14.
Ginpangunahan mismo ni DOLE 12 Regional Director Raymundo Agravante upod si DOLE-South Cotabato Field Office Director Arlene Bisnon ang pagrelease sang livelihood tater kits nga nagakantidad sang 529,558.00.
Nahibaluan nga ang mga beneficiaries ang naprofile sang tuig 2018 sa diin ang mga kabataan sini ang nagaobra sa uma bilang planter , nagauling, laborer kag furniture maker.
May-angot sini, paagi suno pa sa nasambit nga assistance nga ginhatag sang DOLE 12, makabulig ini sa mga ginikanan sang mga child laborers kag indi na mag-obra ang mga bata sa idalom sang DOLE Integrated Livelihood Program sini.
Lakip sa mga livelihood projects sang mga ini amo ang hollow blocks and furniture making, barbecue, balut vending, carwash, carpentry, vulcanizing, welding, dressmaking, hair care, kakanin production kag vegetable gardening.
Nagpasalamat naman ang mga beneficiaries nga nakalab-ot sa ila ang livelihood assistance sang DOLE kag dugang suno pa ini nga income sa ila ilabi na sa subong nga panahon nga may COVID-19 pandemic.
Ginakalipay naman ni RD Agravante nga paagi sa nasambit nga ayuda nabuligan ang mga vulnerable sector sa diin makaumpisa ang mga ginikanan sang mga child laborers sang magamay nga negosyo.
Ang DILP ang flagship program sang DOLE nga makabulig sa poverty reduction, mabuligan ang mga vulnerable and marginalized workers paagi sa paghatag sang emergency employment, masolusyuna ang problema sa child laborers kag iban pa.
