Nagalab-ot sa 3,869 ka mga jobseekers ang nagparehistro sa ginpatigayon nga online Labor Day Trabaho Negosyo Kabuhayan (TNK) Job and Business Fair sang Department of labor and Employment ukon DOLE 12 sang selebrasyon sang Mayo 1, Labor Day paagi sa WorkBank.
Sa nasambit nga numero yara naman sa1, 279 ang kwalipikado nga aplikante sa diin 48 ang mahire , 28 ang ginrefer sa Technical Skills and Development Authority (TESDA) para sa skills training kag 32 ang para sa business opportunities sang Department of Trade and Industry (DTI)
Samtang kabahin sang selebrasyon sang Labor Day ginpatigayon sang DOLE 12 ang Symbolic Vaccination Roll-out sa mga ginpili nga yara sa priority A4 kapareho sang frontline personnel sa essential sectors lakip na ang uniformed personnel.
Ang symbolic vaccination ang base sa National Task force Against COVID-19 (NTFAC) memorandum nga gin-isyu sang Abril 29 nga nagamando sa DOLE kag Department of Health (DOH) nga maghatag sang libre nga bakuna sa 10 ka mga A4 workers sa mga regional offices.
Isa naman sa nabakunahan ang lady conductor sang isa ka bus company sa rehiyon nga nagpasalamat sa DOLE sa free vaccine batok COVID-19 tungod makahatag ini sang proteksiyon sa ila samtang nagatrabaho kag serbisyo sa mga pasahero.
Sa mensahe naman ni DOLE 12 Regional Director Raymundo Agravante ginsiguro sini sa labor force nga plastado ang livelihood, employment assistance kag health protection sang ahensya agud pakigbatuan ang epekto ang pandemya dala sang COVID-19.
Subong nga tuig nga tema sang selebrasyon sang Labor Day amo ang “Mayo Uno sa Bagong Panahon-Manggagawa at Mamayan Babangon Susulong,”
