General Santos City—Samdan ang usa ka 38 anyos nga lalaki human kining gibunalan ug kahoy nga may lansang sa kaugalingong igsuon didto sa Doña Solidad, Barangay Labangal Gensan alas 7:00 pasado ang takna kagabie.
Biktima giilang si Menta Abpet, 38, residenti sa Purok Muja, Barangay labangal, Gensan. Subay sa imbistigasyon sa kapulisan nasuta nga naglalis ang biktima ug ang iyang igsuon gumikan sa dili pagsinabtanay.
Tungod sa tumang kalagot, wala kapugong sa iyang kaugalingon ang suspek, nikuha kini ug kahoy ug gibunal sa ulo sa iyang igsuon. Wala ka matikod ang nahisgutan nga adunay lansang ang gikuhang kahoy mao nga maayo gyud nga pagkagisi sa ulo sa biktima.
Gilayon man kining gidala sa Dr. Jorge Royeca Hospital ug kasamtangan na karon nga gipailawom sa medikasyon.
