Walay swerte nga nasikop ang usa ka lalaki apan nakasibat ang pag-umangkon ni-ini kagahapon sa mga alas 12:30 ang takna sa udto. Kini atol sa gilusad nga anti-illegal drug buy bust operation sa mga operatiba sa City Drug Enforcement Unit kon CDEU sa pagpangulo ni PCapt. Mike Dioren Cavan alayon na sa RMFB-10 TSC ubos ni PMajor Excyllo Alcantara diha sa Zone 6, Brgy. Bugo ning syudad sa Cagayan de Oro.
Naila ang dinakpan nga 39 anyos nga si Joenel Llaban, ulitawo nga driver sa motorized sikad kung dii nana-a kini sa watchlist nga tigpayuhot sa iligal nga druga. Samtang at large karon ang nakasibat nga pag-umangkon ni-ini nga 19 anyos nga si Kent Leborn Elleso, ulitawo nga out of school youth. Silang duruha ang pulos residenti sa nasangpit nga dapit.
Napalitan sa mga operatiba sa usa ka sachet sa gituhoang shabu balor 1000 pesos ang suspek nga Llaban nga maoy hinungdan sa pagka-aresto ni-ini. Samtang daling nakasibat usab padulong sa wala matinong direksyon si alyas “Biboy” nga swerteng nakaikyas sa pagka-aresto.
Nakuha gikan sa posisyon ni Llaban ang laing pang 8 ka mga sachet sa gituhoang shabu nga gisulod ni-ini sa cellophane nga gibana-banang motimbang sa 1gram kung diin dunay street value nga mokabat ngadto 6,800 pesos. Lakip nga nakuha kaniya ang duha ka 500 peso bill nga ginamit isip buy bust money u gang cellphone ni-ini nga gituhoang maoy ginamit ni-ini sa iligal nga mga transaksyon.
Detinado na karon ang maong suspetsado sa Maharlika Detention Cell samtang kasong pagsupak sa R.A. 9165 ang giandam na sa raiding team nga ipasang-at ngadto sa korte.
Kasama mo sa CDEU, RadyoMaN Andy Coco, DXCC Tatak RMN!
