Sa official statement sa Manic Nightnings Event Productions gisuta pa nila ang ugat hinungdan sa technical problem hinungdan nga wala makalupad ang drones sa kawanangan.
“Until the day of the event, starting 8am and until now, we are still exhausting our resources in uncovering the root cause of the technical problem we encountered last night. Suddenly, GPS signal was being turned off or detects a weak connection. Drone systems won’t show the correct flight path. It won’t detect a safe landing point,” sumala sa organizer.
Sa gipagulang pamahayag nangayo’g dispensa si Kat Dalisay-Santos head organizer sa publiko ug gikanayon nga gihimo nila ang ilahang best aron matanyag ang drone lightshow.
For safety reasons, wala matud pa nila gidayon ang paglusad sa mga drones sa peligrong mangahagsa ug makaangol kini sa baga nga tapok sa taong nanan-aw sa event.
“Lighted 3D Drones are GPS operated, and their signal relies on satellite connection,” eksplinasyon sa organizer.
Gawas sa wala madayong drone show nagpasibaw sa ilahang grabeng pagkadismaya ang mga nanambong tungod sa walay tarong nga entrance ug exit ug daghan usab ang nagpaabot sa gawas ug wala na matugti pang makasulod sa venue.
Gibutyag ni Public Safety and Security Office chief Angel Sumagaysay, nga hugot na niining gipatuman nga dili na magpasulod pa og dugang mga tawo tungod sa dakong risgo posibleng atubangon kung magkaguot pa og samot sa event area.
Kinahanglang aduna pay saktong espasyo para sa emergencies ang lugar taliwala sa heavy crowd.
Sumala niini sobra sa 50,000 ka mga tawo ang niduyog sa maong aktibidad.
Wala na usab gitugot nga ipadayon pa ang pagpahigayon sa Drone Show kagahapon adlawng Domiggo.
RadyoMaN Aimee Guinita
