General Santos City—Nagtingkagol karon sa selda sa Police Station 1 ang usa ka tricycle driver nga nailang si Darvin Cadungog, 36 anyos ug nanimuyo sa Apple Street Bo. Obrero, Barangay Dadiangas North, Gensan human nga nanumbag kini ug Traffic Enforcer alas 4:30 ang takna sa hapon sa Pendatun Avenue Cor. Daproza Avenue, Barangay Dadiangas North.
Sumala pa sa biktima nga Traffic Enforcer nga naga pahigayon matud pa siya sa iyahang duty niadtong higayona sa dihang kalit mipadagan ang driver sa iyahang gimanuhuang tricycle bisan wala pay signal nga mamahimo na silang makalabang hinungdan nga gipara kini sa biktima tungod usab sa iyahang traffic violation.
Inay matud pa nga makig-esturya ug tarong ngadto sa Traffic Enforcer, nasuko matud pa ang suspect ug gisumbag ang biktima sa iyang dughan hinungdan nga gilayon kining nangayo ug tabang sa kapulisan.
Sa kasamtangan nagtingkagol sa Police Station 1 ang nahisgutang suspect samtang gipaabot nalang usab sa kapulisan kung mag pasang-at ba ug kaso ang maong traffic enforcer ngadto sa tricycle driver.(Dave Silagan)
