3ID, MAY BAG-O NA NGA DIVISION COMMANDER!

45

Jamindan, Capiz – May yara na sang bag-o nga division commander ang 3rd Infantry Division, Philippine Army sa Camp Macario Peralta sa banwa sang Jamindan.
Si MGen Benedict Arevalo, nga anay Commander sang 301st kag 303rd Infantry Brigades ang nag-asyumar sa amo nga posisyon sa ginpatigayon nga Change of Command Ceremony subong nga adlaw sang Martes, Setyembre 21, 2021.
Gintal-usan ni MGen Arevalo si BGen Noel Baluyan nga nagserbe man bilang Acting Division Commander kasunod sang mandatory retirement ni MGen Eric Vinoya sang nakaligad nga Setyembre 6.
Samtang si BGen Baluyan ang magabalik sa iya posisyon bilang Assistant Division Commander.
Sa iya assumption speech, ginpasalig ni MGen Arevalo sa tanan nga Spearhead Troopers nga ang pag-asyumar sini sa pwestu ang wala nagtapos sa pagmandu kag paghatag sang deriktiba kundi magaserbe man ini agud nga mangin epektibo sa ila trabaho ang tanan nga membro sang Philippine Army.
Kadungan sini, ginpalayag man ni MGen Arevalo ang iya nga campaign philosophy nga: “Loved by people, feared by the enemy.”
Ginpunto sini nga dapat magapadayon ang civil-military operations ukon CMO activities kun sa diin pinaagi sini madali nga mapapas ang pangontra./
Suno pa diri, dako man diri ang papel nga gina-uyatan sang mga tanan nga mga stakeholders, Local Government Units (LGUs), National Government Agencies (NGAs), Civil Society Organizations, Academe kag iban pa nga sektor para sa kadalag-an kontra ensurhensiya.
Mahibaluan nga antes ang appointment bilang 3ID Commander, si MGen Arevalo ang nangin Deputy Chief of Staff for Civil-Military Operations (J7) sang Armed Forces of the Philippines.
Sa una na nga napulo ka tuig sini sa serbisyo, na-assign man ini sa 3ID Spearhead Division bilang Tactical Officer sang 3rd Division Training Unit humalin Oktubre 16, 1990 tubtob Pebrero 16, 1991.
Nagserbe man siya bilang Delta Company Executive Officer, Delta Platoon Leader kag Delta Company sang sadto 71st Infantry Battalion (71IB), 3ID sang mga 1990s.
Nangin operations officer sang ‘defunct’ 3ID’s 7th IB halin 1992 tubtob 1994. Iban pa nga mga posisyon nga gina-uyatan sini sa 3ID amo bilang CAA Company Commander; Deputy NICOM3, NICOM, 3ID; NICOM2, NICOM, 3ID; Intelligence Officer, 302nd Infantry Brigade; Company Commander, Headquarters and Headquarters Company, 302Bde; Intelligence Officer, Operations Officer, kag Intelligence Platoon Leader sang defunct 66th Infantry Battalion.
Nangin resipyente man si MGen Arevalo sang madamo nga military awards kaangay sang Distinguished Service Star, Bronze Cross Medals, Silver Wing Medal, Long Service Medal, Anti-Diss Campaign Medals and Ribbons kag madamo nga military merit and civic action medals subong man pagkilala halin sa military kag civilian sectors.
Si MGen Arevalo ang katapo sang PMA Class 1990.

Facebook Comments