3K pasahero pa-Manila apektado

36

Davao City – Mokabat sa 3,000 ka mga pasahero ang nadelatar ang byahe padulong og Manila sa Francisco Bangoy International Airport sukad niadtong Dominggo tungod sa pagalburuto sa bulkang Taal.


Nag-resume ang flights alas-12:00 sa udto kagahapon apan adunay gihapoy mga delayed ug cancelled flights tungod usab sa ramp congestion.

Gibutyag ni Davao Airport Manager Rex Obcena giabisuhan nila ang mga airlines nga kinahanglang makigkoordinar Manila International Airport una sila mulupad.

Gipasalig sa tagdumala sa Davao Airport ang pagtunol og ayuda ngadto sa mga apektado.

Samtang, tanggong ang pipila ka mga Overseas Filipino Workers nga nanukad gikan sa Davao padulong Manila.

Gikaproblemahan nila ang pagkadelatar usab sa ilahang mga connecting flights gikan Manila padulong sa mga nasud nga ilahang gitrabahuan.

Sumala ni Marlounessa Angos domestic helper sa Hong Kong gipahibalo pa niya ang iyahang amo kalabot sa iyahang sitwasyon.




RadyoMaN Aimee Guinita

Facebook Comments