3on3 Challenge Sa Gaisano Mall, Abri Na!

21

Pormal nang giabrihan ang 3on3 Challenge sa Gaisano Mall of Davao kaganihang buntag. Kini usa ka annual event nga gigahin alang sa mga basketball enthusiasts dinhi sa dakbayan sa Davao.

Matud pa ni Kenneth Cy, organizer sa GMall 3on3 Challenge, ang maong event gilangkuban sa senior, junior ug open divisions. Adunay 113 overall participants ang misalmot sa maong aktibidad karung tuiga.

5 straight years na kini nga ginabuhat sa Gaisano Mall of Davao during summer time aron maingganyo ang mga kabatan-unan nga mulambigit sa sports labi na karong panahon sa bakasyon og aron duna pud sila’y buhaton ug kalingawan.

Gidungag pa ni Cy nga naggikan pa sa mga nagkalain-laing lugar ang mga participants. Adunay mga nag-eskwela, duna pu’y mga out of school youth ug mga lugar nga gikan sa Mati City and Cotabato City.

Gipahigayon ang maong 3on3 Challenge sa atrium GMall Davao karun adlawa, May 4 ug mahuman karong Dominggo, May 06, 2018.

Nahimong media partner ang iFM 93.9 Davao sa maong kalihukan.

Facebook Comments