Didto sa nasud Thailand, mipabarog si Thai boxer Wanheng Minayothin sa iyang ika – 50 nga sunod – sunod nga kadaugan human ni-ini gipildi ang Panamanian challenger Leroy Estrada via fifth round stoppage.
Tungod ni-ini padayon nga gisul-ob ni Wanheng ang iyang WBC Minimumweight nga bakos ug iya ng naduplika ang record sa American Boxing Great nga si Floyd Mayweather, Jr.
Gikalipay sa 32 anyos nga Thai boxer nga gibansagang “Dwarf Giant” sa dihang iya ng natupongan ang record ni Mayweather.
Usa ka kusog nga uppercut ang gibuhian ni Wanheng padung sa sungad ni Estrada kung diin wan a nakabangon pa ang Panamanian.
Sa opening rounds gipabuto ni Estrada ang walang bahin sa mata ni Wanheng gikan sa iyang mga right – straight apan wala mahadlok ang beteranong Thailander ug gipalukapa si Estrada ka duha sa round 3 ug usa sa round 4.
Sa karon, adunay tsansa si Wanheng nga buk-on ang record sa 40 anyos nga si Mayweather. Kung siya modaog pag-usab si Wanheng, iyang matupngan ang 51-0-1 win-loss-draw record sa retired Mexican flyweight Ricardo Lopez.
Mga suki namong tigbasa, aduna ka bay reaksyon kabahin ni-ining estorya? Mamahimo nimong ipabuhagay sa comment box sa ubos.
